Robotët që i kemi parë viteve të fundit nga Boston Dynamics, kanë treguar përparimin që është arritur në fushën e robotikës, sikurse edhe potencialin e tyre në treg.
Këta robotë lanë pa fjalë opinionin me mundësitë dhe aftësitë e tyre, e modelet sikurse Spot janë vërtetë mbresëlënës.
Derisa robotët e Boston Dynamics mund të kryejnë funksione të caktuara – të vrapojnë, bëjnë salto dhe të bartin gjësende të ndryshme, një gjë megjithatë nuk mund ta bëjnë – të fluturojnë.
Me këtë funksion mund të lavdërohet një robot tjetër – Leonard (LEgs ONboARD drOne), përkatësisht Leo.
Shkencëtarët nga Institutit i Teknologjisë në Kaliforni – Caltech që e prodhuan këtë robotë, thonë se është një kombinim i robotit me ekstremitet e poshtme dhe atë të dronit – kurse për zhvillimin e tij u frymëzuan nga zogjtë.
Derisa zogjtë veprojnë shumë mirë në ajër, mund edhe të ecin dhe kërcejnë – kështu diçka e ngjashme është tentuar të bëhet edhe në Caltech.
Rezultatet e këtij projekti është prototipi Leo i cili mund të ecë, fluturojë dhe madje të lëvizë nëpër një tel dhe të bëjë “skateboard”.
Nga Caltech thonë se është roboti i parë që për të lëvizur përdor këmbët, por helika e ndihmon të ruaj baraspeshimin.
Me mundësitë e tij, Leo shtynë përtej kufijtë mes robotë humanoid dhe dronëve – ku me lëvizjet e tij pa ndonjë problem vepron nëpër çdo terren.
