Një ngjarje e rëndë ka ndodhur mesditën e sotme në fshatin Stajka të Shkodrës, ku një 21-vjeçare I ka dhënë fund jetës duke u hedhur nga ura.
Burime bëjnë me dije se ngjarja ka ndodhur në vendin e quajtur “Ura e Spatharit”, ku 21-vjeçarja, identiteti i të cilës nuk bëhet ende i ditur, pasi ka pirë disa medikamente, është hedhur nga ura duke gjetur vdekjen e menjëhershme.
Mësohet se e ndjera ishte e divorcuar, ndërsa nuk dihen shkaqet që e kanë shtyrë drejt këtij akti tragjik
Policia ka shkuar në vendin e ngjarjes dhe po punon për zbardhjen e plotë të saj.