Do hetohen në liri inspektorët e tatimeve të arrestuar në Shkodër - Bota Sot
Do hetohen në liri inspektorët e tatimeve të arrestuar në Shkodër

Shkodra

Do hetohen në liri inspektorët e tatimeve të arrestuar në Shkodër

Më: 29 korrik 2019 Në ora: 10:50
Ilustrim

Gjykata e Shkodrës ka dhënë një masë të butë sigurie pë dy inspektorët e bashkisë të arrestuar në kuadër të operacionit “Akomoduesi 2”

Për Idlir Dibrën dhe Gegë Nika u dha masa 'detyrim me paraqitje". Ata do të hetohen në gjëndje të lirë. 

Dy i nspektorët u arrestuan më 27 korrik pas një kontrolli në disa subjekte në plazhin e Velipojës.

Uniformat blu raportuan se ishin evidentuar shkelje të bëra nga ana e punonjësve të bashkisë Shkodër dhe subjekteve në lidhje me deklarimin e të ardhurave. 

Inspektorët u akuzuan për  “Korrupsion pasiv i personave që ushtrojnë funksione publike”, “Shpërdorim detyre” dhe “Falsifikim dokumentesh"

"Keta shtetas në bashkëpunim me njeri-tjetrin, duke qenë në pozicionin e inspektorëve të zbatimit në Drejtorinë e të Ardhurave në Bashkinë Shkodër, ku me anë të falsifikimit të dokumenteve kanë shpërdoruar detyrën dhe kanë favorizuar në këmbim të marrjes së ryshfetit në një subjekt (hotel) në Plazhin e Velipojës, duke mos deklaruar numrin real të dhomave të këtij hoteli, me qëllim mospagimin e taksës reale që përfiton Bashkia Shkodër" deklaronte policia më 27 korrik.

Po kështu u procedua në gjendje të lirë Drejtori i Drejtorisë së të Ardhurave në Bashkinë Shkodër shtetasin, B. Gj. 41 vjeç, për veprën penale të “Shpërdorim detyre”. 

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...