Shkodër, 18 të infektuar/ Të infektuarit në fasoneri, gjykatë dhe OST - Bota Sot
Shkodër, 18 të infektuar/ Të infektuarit në fasoneri, gjykatë dhe OST

Shkodra

Shkodër, 18 të infektuar/ Të infektuarit në fasoneri, gjykatë dhe OST

Më: 16 qershor 2020 Në ora: 15:26
Ilustrim

Kjo e martë e 16 Qershorit, ka regjistruar numrin rekord të të infektuarve edhe në Qarkun e Shkodrës, plot 19 persona pozitiv ndaj koronavirusit në 24 orët e fundit. 18 i përkasin qytetit dhe 1 në Pukë.

Kryesisht janë persona të kontaktit të përditshëm gjë që tregon se sa pak po zbatohen rregullat e distancimin fizik. Të infektuarit janë familjar, punonjës fasonerie, 1 punonjës i gjykatës se Apelit në Shkodër dhe 1 i Operatorit të Sistemit të Transmetimit në Bushat.

Kontakti më pacientet e përditshëm siç duket ka sjellë infektimin me virus edhe të 2 punonjësve të sistemit të shëndetësisë. 1 shofer ambulance dhe 1 infermierë në Dajc të Shkodrës rezultuan pozitiv teksa pak ditë me parë edhe 2 punonjëse të poliklinikës se qytetit rezultuan të infektuara. Për pasojë për disa ditë ky institucion mbylli dyert për pacientet. Të njëjtin vendim mori edhe Drejtoria e Institutit të Sigurimeve Shëndetësore në Shkodër pasi 2 punonjëse rezultuan pozitive. Pas testimit, pjesa tjetër e administratës rezultoi jo e infektuar.

Shkodra sot pas rikthimit të normalitet numëron 86 raste pozitive të gjitha të shpërndara në vatra të ndryshme duke e bërë më të vështire gjurmimin e rasteve të reja. Kjo do të thotë se në çdo institucion që do shkojmë, në punë apo edhe në kohen e lire, duhet të tregohemi të kujdesshëm dhe të zbatojmë rregullat.

Pas Tiranës, ky mbetët qarku me numrin me të lartë të të prekurve.

Shfaq komentet
comments powered by Disqus
Sot mund të lexoni Shfletoni kopertinat