Një aksident i rëndë rrugor është shënuar në autostradën Lezhë-Shkodër, në Balldre.
Burime për Top Channel mësojnë se, një automjet me targa AA113TH me drejtues shtetasin Ilir Marlecaj ka përplasur një motoçikletë.
Si pasojë e këtij aksidenti ka mbetur i plagosur rëndë drejtuesi i motoçikletës, shtetasi Preng Doçaj.
I dëmtuari është dërguar menjëherë drejt spitalit për të marrë ndihmën e nevojshme dhe mësohet se është në gjendje të rëndë për jetën.
Policia ka mbërritur menjëherë në vendngjarje dhe po kryen hetimin për zbardhjen e rrethanave të këtij aksidenti.
