Opozita takim me studentët në Shkodër, shpjegon nismat e reja

Shkodra

Opozita takim me studentët në Shkodër, shpjegon nismat e reja

Më: 10 nëntor 2018 Në ora: 21:24
Përfaqësuesit e opozitës në takim me studentët e Universitetit të Shkodrës

Përfaqësuesit e opozitës në takim me studentët e Universitetit të Shkodrës, shpjeguar nismën e opozitës për vettingun në politikë dhe çlirimin e zgjedhjeve dhe ekonomisë nga krimi e korrupsioni, janë jetike për të ardhmen.

“Grupi Parlamentar i Partisë Demokratike ka bërë propozim zyrtar në parlament për amendamente kushtetuese për heqjen e zyrtarëve të lartë që mund të jenë deputetë apo ministra, apo zyrtarë në institucione shtetërore, që kanë lidhje me krimin, si një fazë tjetër e dekriminalizimit”, tha deputeti Oerd Bylykbashi.

Gazment Bardhi u fokusua tek papërgjegjshmëria e qeverisë me paratë e buxhetit të shtetit dhe nevoja urgjente për pastrimin e ekonomisë nga oligarkia dhe korrupsioni, përmes ndryshimeve në ligjin antimafia.

“Do të verifikohen të gjitha nga kontratat e koncensionit, prokurimit publik, PPP-të, aktet e lejet, licencat, për shfrytëzimin e pasurive publike të cilat dyshohen se janë dhënë në kundërshtim me ligjin, në shkelje të procedurave konkuruese publike. Pra, çdo kontratë koncensioni, e cila ka patur vetëm një konkurent do të duhet t’i nënshtrohet kontrollit”, tha Gazment Bardhi.

Deputeti Ervin Salianji vuri në dukje se Zgjedhjet janë në dorë të krimit, sepse Edi Rama ka bërë marrëveshje me krimin.

“Në Lezhë, me Ndokat janë blerë vota. Në Kavajë Edi Rama mbronte prej kohësh një akullore tjetër. Në Elbasan Taulant Balla përveçse bredh me trafikantë droge, u jep paratë e shqiptarëve në konkurrencë të pandershme, banditëve si Sanxhakët dhe Çelajt. Në Tiranë me Sajmir Tahirin dhe Shullazin, në Vlorë me Habilajt, Xhafajt, Damian Gjiknurin dhe me Ramën që janë thjesht mbrojtës të interesave të krimit”, tha Salianji.

commentFirst article
Sot mund të lexoni Shfletoni kopertinat