Eurokomesari për politikë fqinjësore dhe zgjerim, Oliver Varhelyi sot dhe nesër do të jetë për vizitë zyrtare në Maqedoni të Veriut.
Siç njoftoi Delegacioni i Komisionit Evropian në Shkup, Varhelyi në Shkup do të takohet me kryetarin Stevo Pendarovski, kryeministrin teknik Oliver Spasovski dhe me kryetarin e Kuvendit, Talat Xhaferi.
Ai gjithashtu do të takohet edhe me liderët e OBRM-PDUKM-së, Hristijan Mickoski dhe kryetarin e LSDM-së, Zoran Zaev.
Varhelyi para vizitës së tij në Shkup deklaroi se bisedimet me Maqedoninë e Veriut dhe Shqipëria duhet të nisin bisedimet në pranverë. Sipas tij, BE duhet të përmirësojë gabimin e tetorit kur nuk u dha data për nisje të bisedimeve.
