Drejtori i "Higjienës Komunale"-Shkup, AbdulSamet Shabani në një intervistë për një medium shqiptar ka theksuar se institucioni që drejton ballafaqohet me sfida të shumta ndër të cilat përmend rritjen e kapaciteteve, përmirësimi i shërbimeve tona kundrejt qytetarëve, rritja e efikasitetit të shërbimeve për matje, përmirësimi i kushteve për punëtorët, përmirësimi i gjendjes së automjeteve komunale, ripërtrirja e tyre, pastrimi i deponimeve.
"Prioriteti im si drejtor ka qenë rritja të rrogave për punëtorët, çështje e cila së shpejti do të realizohet, duke i kushtuar rëndësi të veçantë punëtorëve që kanë qenë më pak të paguar siç janë kategoritë që punojnë në kushte më të vështira, në temperatura shumë të ulët gjatë dimrit dhe në temperature të larta në sezonin e verës janë përsëri në terren", thotë Shabani.
Ai mes tjerash shprehet se në bazë të planit operativ për vitin 2018 Ndërmarrja publike ,,Higjiena Komunale’’ – Shkup, ka paraparë që të ketë aksione sidomos në këtë sezon të vitit , ku nga shumë amvisëri kemi meremetime, renovime të ndryshme dhe rritet numri i mbeturinave.