Prokuroria Themelore Publike për krim të organizuar dhe korrupsion ka hapur lëndë pas dyshimit të mundshëm në lidhje me operacionet e mundshme ilegale në një spital privat në Shkup.
Në deklaratë thuhet se “rasti është i hapur pas monitorimit të artikujve nëpër media në lidhje me ndërhyrjet mjekësore të kryera të enëve të zemrës dhe të gjakut në një spital privat, ku sipas të cilit spitali privat ka abuzuar me kontratën e nënshkruar për punë kardiovaskulare me Fondin e Sigurimit Shëndetësor”.
“Në vazhdimësi ka indikacione se disa nga ndërhyrjet e paguara janë kryer fiktivisht nga spitali dhe se për të njëjtët pacient dhe për të njëjtin lloj të ndërhyrjes janë kryer në disa pagesa nga Fondi”, thuhet në deklaratën e Prokurorisë Publike nga ku ata shpjegojnë se prokurori publik kompetent ndërmerr të gjitha veprimet e nevojshme në drejtim të vërtetimit të fakteve për këtë rast.
