Ditën e djeshme, si kurrë më parë, ndodhi një incident që nuk është regjistruar më parë në historinë e Shqipërisë.
Kryeministri Edi Rama u godit me vezë nga afër nga deputeti demokrat Endri Hasa, gjatë fjalës së tij në foltoren e Kuvendit.
Sot, kryetarja e LSI-së ka zbuluar një detaj që askush s’e kishte vënë re më parë. Kryemadhi tha gjatë fjalës së saj në foltore se kryeministri Rama mbante të veshur jelek antiplumb.
“Vettingut politik t’i shtojmë analizën e drogës, t’ia matim njëherë, se dje kishte ardh edhe me antiplumb. Edi Rama është peng i mallit që i shesin, se varet çfarë malli i shesin. Duhet të shtojmë edhe kartelën mjekësore, nga çfarë vuan?”, tha ndër të tjera Kryemadhi.
Në fakt, po të shohim videon me detaje, veza thyhet menjëherë, teksa godet kryeministrin.
