Nënkryetarja e Lëvizjes Socialiste për Integrim, Erisda Xhixho, e ka cilësuar ligjin që ju ul taksën të pasurve nga 15 në 8 përqind si shkelje të Kushtetutës.
Në reagimin e saj Xhixho thekson se në një kohë që shqiptarët protestojnë kundër varfërisë, Rama u fal milionat të pasurve.
Ja çfarë shkruan Erisa Xhixho:
Qeveria e oligarkeve duke shkelur kushtetuten kaloi dje në parlament “Ligjin për ndryshimet në tatimin mbi fitimin”, të cilin e miratuan për herë të dytë duke shkelur proçedurat parlamentare, pas kthimit me të drejtë nga Presidenti i Republikës.
Ky ligj parashikon uljen e tatimit mbi fitimin nga 15% ne 8 % duke i falur miliona euro një grupi njerezish të lidhur me qeverine dhe arroganca shkon deri në shkeljen e kushtetutes në diten për diell kur ky ligj ka fuqi prapavepruese ,pra shtrihet në kohën e para miratimit të këtij ligji.
Nderkohe që kushtetuta shprehet qartë ne Nenin 155 të saj se ligji fiskal NUK mund te kete fuqi prapavepruese:
“Taksat, tatimet dhe detyrimet financiare kombëtare e vendore, lehtësimi ose përjashtimi prej tyre i kategorive të caktuara të paguesve, si dhe mënyra e mbledhjes së tyre caktohen me ligj. Në këto raste ligjit nuk mund t’i jepet fuqi prapavepruese.”
Ne dhjetorin e protestave ku studentet shqiptare kane prej javesh qe protestojnë për kushte minimale për cilesi ne arsim dhe konvikte qeveria jo vetem qe nuk i degjon dhe as ka vullnetin për ti plotesuar ato, por i dhuron parise se shoqerise miliona euro duke shkelur kushtetuten ne menyre flagrante .
Arroganca ka arritur kulmin, kjo qeveri nuk meriton më asnje minutë te drejtojë vendin tim ku studentin e te varfrin e zhvat me vetedije dhe oligarket i pasuron duke shkelur cdo ligj e kushtetuten e shqiperise.
