Është liruar nga burgu banori i zonës së Astirit, Ilir Katiraj i cili goditi me këpucë kryeministrin e Shqipërisë Edi Rama, në ambientet pranë spitalit ushtarak në Tiranë, pak javë më parë.
Gjykata ka dhënë për të masën e detyrimit të paraqitjes.
Dhjetra baniorë të Unazës së re kanë qenë sot në mbështetje të tij si dhe kanë kërkuar lirimin nga burgu edhe të Daniel Dobraj, i cili akuzohet se ka qëlluar me kapsolle efektiven Ina Nuka.
Djali i Katirajt u shpreh se dhënia e drejtësisë ka qenë e vonuar, ndërsa babai i tij do t’i bashkohet protestës që prej pasdites së sotme.
