Atentati në Laprakë, për motive të dobëta. Identifikohet autori

Shqipëria

Atentati në Laprakë, për motive të dobëta. Identifikohet autori

Më: 26 dhjetor 2018 Në ora: 22:43
Pamje nga vendi i ngjarjes

Një person mbeti i vrarë dhe një tjetër u plagos si pasojë e përdorimit të armëve të zjarrit, në një ngjarje të ndodhur pasditen e kësaj të mërkure në zonën e Laprakës, në kryeqytet.

Policia, në njoftimin e saj për mediet, raporton se e vrarë ka mbetur shtetësja 17-vjeçare B.Gj., ndërsa i plagosur shtetasi E.B., 23 vjeç.

Pas hetimeve paraprake, policia ka mundur të identifikojë dhe të shpallë në kërkim autorin e ngjarjes, por për arsye hetimore nuk jep asnjë detaj mbi të.

Ngjarja dyshohet të ketë ardhur për motive të dobëta, ku autori qëlloi me armë zjarri ndaj dy shtetasve që ndodheshin në një automjet në zonën e Laprakës.

Në vendngjarje u regjistruan dy të plagosur, por 17-vjeçarja ndërroi jetë në spital, ndërsa 23-vjeçari ndodhet nën kujdesin e mjekëve.

Policia njofton se po vijon punën për kapjen e autorit dhe vënien e tij përpara përgjegjësisë ligjore.

commentFirst article
Sot mund të lexoni Shfletoni kopertinat