Zhdukja e peshkatarit, gjendet varka, por jo trupi i tij

Shqipëria

Zhdukja e peshkatarit, gjendet varka, por jo trupi i tij

Më: 2 janar 2019 Në ora: 21:35
Pamje nga video

Një peshkatar dyshohet të ketë humbur jetën në ujërat e liqenit të Ohrit në Pogradec. Gëzim Seitllari 57 vjeç ka dalë për peshkim prej 31 dhjetorit në orën 5 të mëngjesit ndërkohë që nuk është kthyer më në banesë.

Gëzim Seitllari, babai i dy fëmijëve nga fshati Memlisht, ka dalë për të peshkuar koran mëngjesin e datës 31 dhjetor. Pas disa orësh ka humbur kontaktet me familjarët, të cilët kanë njoftuar menjëherë policinë.

Sipas familjareve, policia ka filluar kërkimet për peshkatarin ditën e martë, por pa rezultat. Të mërkurën në mëngjes, varka e peshkatarit, që rezulton i humbur, është gjetur në thellësi të liqenit, së bashku edhe me disa nga rrobat e tij në zonën e Hudenishtit, çfarë ka shtuar dyshimet se peshkatari është mbytur.

Në kërkim të trupit janë vënë peshkatarët e zonës, ndërsa më tej kërkimet janë thelluar nga mbërritja e polumbarëve, për të kërkuar në ujërat e liqenit dhe për të nxjerrë në breg trupin e Seitllarit.

Por pas 3 orë kërkimesh polumbarët kanë ndërprerë pa mundur të nxjerrin trupin e Seitllarit ndërsa do të vazhdojnë operacionin ditën e nesërme.

commentFirst article
Sot mund të lexoni Shfletoni kopertinat