Një aksident i rëndë ka ndodhur pasditen e së mërkurës në Lushnje.
Një person ka humbur jetën ndërsa dy të tjerë ndodhen në gjendje të rëndë shëndetësore pasi mjeti ku udhëtonin doli nga rruga.
“Panorama” ka mësuar se viktima është identifikuar si Mirela Sakolli, banuese në Berat, ndërsa ende nuk dihen identitetet e të plagosurve. Mësohet se makina përfundoi në tokat bujqësore në Bypassi-n Plug-Savër.
Paraprakisht dyshohet se shkaku i kësaj ngjarjeje të rëndë është bërë moti i keq. Policia ndodhet në vendin e aksidentit dhe po punon për zbardhjen e shkaqeve të plota që e shkaktuan atë.
