Shkëmbimet tregtare me vendet e Bashkimit Europian në dhjetor 2018 zënë 61,2% të gjithë tregtisë.
Sipas INSTAT, në muajin dhjetor 2018, eksportet drejt vendeve të BE-së zunë 75,6% të eksporteve gjithsej dhe importet nga vendet e BE-së zënë 56,1% të totalit të importeve.
Partnerët kryesorë tregtarë janë Italia (30,7%), Kina dhe Greqia (7,3%), dhe Turqia (7,1 %). Shkëmbimet tregtare, për vitin 2018, me vendet e BE zënë 65,9% të gjithë tregtisë.
Në periudhën janar – dhjetor 2018, eksportet drejt vendeve të BE-së zënë 76,3% të eksporteve gjithsej dhe importet nga vendet e BE-së zënë 60,8% të importeve gjithsej.
Partnerët kryesorë tregtarë janë Italia (34,1%), Greqia (6,9%), Gjermania (6,6%) dhe Kina (6,3%), bën të ditur INSTAT. /atsh