Rama betohet te Meta, ceremoni 10-minutëshe e jo mediatike

Shqipëria

Rama betohet te Meta, ceremoni 10-minutëshe e jo mediatike

Më: 22 janar 2019 Në ora: 19:30
Edi Rama dhe Ilir Meta

Kryeministri Rama u betua mbrëmjen e kësaj të marte pranë Presidentit Meta, duke marrë kështu zyrtarisht edhe detyrën e ministrit të Jashtëm, për të cilën u votua një ditë më parë në Parlament.

Ndryshe nga sa ndodhi me ministrat e rinj të Qeverisë, kjo ceremoni ishte mjaft e shkurtër dhe jo mediatike.

Rama hyri në selinë e Presidencës rreth orës 19:00 dhe doli 10 minuta më pas, gjë që la të kuptohet se takimi ka qenë strikt në aspektin formal dhe protokollar, por asgjë më shumë sesa kaq.

Rama e mori vet drejtimin e Ministrisë së Jashtme, pasi Presidenti Meta refuzoi kandidaturën e Gent Cakajt, gjë që solli edhe një përplasje institucionale mes tyre, arsye për të cilën kryeministri ka deklaruar se do t’i drejtohet Gjykatës Kushtetuese.

commentFirst article
Sot mund të lexoni Shfletoni kopertinat