Shqipëria “shtëpi e jetës”, Meta: Nder për shqiptarët që shpëtuan hebrenjtë - Bota Sot
Shqipëria “shtëpi e jetës”, Meta: Nder për shqiptarët që shpëtuan hebrenjtë

Shqipëria

Shqipëria “shtëpi e jetës”, Meta: Nder për shqiptarët që shpëtuan hebrenjtë

Më: 27 janar 2019 Në ora: 14:03
Ilir Meta

Shqipëria u shpall “shtëpi e jetës” nga fondacioni ndërkombëtar Raoul Wallenberg, për kontributin që ka dhënë në shpëtimin e hebrenjve gjatë luftës së dytë botërore. Për të përkujtuar viktimat e holokaustit, në lulishten pranë Presidencës u ngrit pllakata e cila u përurua nga Presidenti Ilir Meta. Në fjalën përshëndetëse, Meta theksoi se kjo ngjarje nderon dhe respekton të gjithë shqiptarët

Meta: Në mënyrë të veçantë ky akt nderon ata burra dhe gra shqiptare, që të udhëhequr nga kodi ynë shumëshekullor zakonor i mikpritjes dhe Besës, nën parimin se ‘Shtëpia e shqiptarit është e Zotit dhe e mikut’, strehuan bujarisht e pa u kursyer, vunë në rrezik jetën e tyre dhe atë të familjeve, duke shpëtuar nga përndjekja dhe shfarosja e sigurt, qindra e mijëra hebrenj gjatë Holokaustit, njërës prej periudhave më të errëta të njerëzimit. 

Presidenti Meta shtoi se apeli i viktimave të holokaustit është kurrë më gjenocide të tilla njerëzore ndaj kujtdo që i përket një feje, etnie apo kombësie të ndryshme.

Ndërsa zëvendëspresidenti i Fondacionit Ndërkombëtar "Raoul Wallenber", Daniel Rainer në fjalën e tij vuri në dukje se në Shqipëri nuk është dëgjuar të ketë pasur as edhe një rast të vetëm denoncimi. Sipas tij heroizmi i popullit shqiptar duhet t’i bëhet me dije gjithë botës

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...