Një aksident i rëndë ka ndodhur këtë mbrëmje në Has.
Një makinë luksoze “Range Rover” ka përplasur për vdekje një këmbësor të moshuar, i identifikuar si shtetasi me inicialet R.D, banues në Krumë.
I plagosur është transportuar në spitalin e Kukësit, por fatkeqësisht ka humbur jetën gjatë rrugës.
Drejtuesi i mjetit, me inicialet A.A, është shoqëruar nga forcat e policisë në komisariatin e Hasit ku dhe kanë nisur procedurat hetimore.
Njoftimi i policisë:
Has
Informacion paraprak.
Më datë 01.02.2019, në qytetin e Krumës, poshtë spitalit, shtetasi A.A., banues në Zahrisht, Has, duke drejtuar mjetin tip "Rangrover", ka aksidentuar shtetasin R.D., vjeç 74, banues në Krumë.
I aksidentuari është transportuar në Spitalin e Kukësit, ku gjatës rrugës ka gjetur vdekjen.
Drejtuesi i mjetit shtetasi A.A., është shoqëruar në Komisariatin e Policisë Has, për veprime të mëtejshme proceduriale, si dhe grupi hetimor po punon për dokumentimin e ngjarjes.
