Vidhte portofolët e pacientëve të Urgjencës së Fierit, arrestohet hajduti

Shqipëria

Vidhte portofolët e pacientëve të Urgjencës së Fierit, arrestohet hajduti

Më: 2 shkurt 2019 Në ora: 12:33
Foto Ilustrim

Policia e Fierit ka vënë në pranga një hajdut, i cili u vidhte portofolat pacientëve  që shkonin në Urgjencën e Spitalit Rajonal Fier për të marrë ndihmë mjekësore.

Kapja e tij erdhi pas një pune  hetimore 1 mujore, ndërsa në pranga ka rënë shtetasi Nikollaq Liçi, 62 vjeç, banues në Kuçovë.

Policia thotë se i arrestuari ishte kthyer në një shqetësim për të moshuarit që merrnin shërbimet në Urgjencën e Spitalit Rajonal Fier.

"Arrestimi i këtij shtetasi u bë pasi në Urgjencën e Spitalit Rajonal Fier,  ky shtetas dyshohet se në kohë të ndryshme ka kryer disa vjedhje, ku nga puna hetimore e deritanishme është bërë e mundur dokumentimi i tre prej tyre, konkretisht vjedhja e portofolit të  shtetasit G.T., I.D,  dhe A.Gj".

Policia vijon punën për dokumentimin e rasteve të tjera të vjedhjes të kryera nga ky shtetas.

Materialet i kaluan Prokurorisë pranë Gjykatës së Shkallës së Parë Fier për veprën penale "Vjedhja".

Sot mund të lexoni Shfletoni kopertinat