Presidenti Ilir Meta ka mbajtur një takim me një përfaqësi të banorëve të Astirit.
Gjatë këtij takimi banorët i kanë parashtruar një kërkesë Metës, ndërkohë që presidenti ka treguar se i ka ndjekur me vëmendje.
Meta theksoi se ka kërkuar prej kohësh një informacion zyrtar, ndërkohë që i garantoi banorëve se do të mbajë një qëndrim për të gjetur një zgjidhje në përputhje ligjore me kushtetutën.
Kujtojmë se banorët prej rreth tre muajsh po protestojnë për anulimin e projektit të Unazës së Madhe.
Pak ditë më parë firmosën një peticion ku kërkojnë ngritjen e një grupi hetimor për zbardhjen e projektit korruptiv.
Këtë peticion banorët do t'ia dorëzojnë Metës.