Gjykata e Kavajës ka dhënë sot masën "arrest me burg" për 7 adoleshentë, të cilët akuzohen se përdhunuan një 13-vjeçare.
Ndërkaq, mësohet se është shpallur në kërkim edhe një 15 vjeçar.
Ngjarja ka ndodhur në shkollën 9-vjecare "Rilindja" në Kavajë, ndërsa policia ende nuk ka publikuar asnjë komunikatë për rastin në fjalë.
Adoleshentët mbi të cilët rëndon akuza e "marrëdhënie seksuale me të mitur" janë arrestuar një ditë më parë, ndërsa gjykata dha sot masën e sigurisë për ta.
Burime konfidenciale bëjnë me dije se e mitura është përdhunuar në grup nga adoleshentët.
