E teksa politika shqiptare vijon përplasjen për projektin e Unazës së Madhe në Tiranë, ashtu si edhe ditët e tjera, kjo e dielë i ka gjetur banorët e “Astirit” në protestë.
Prej thuajse 3 muajsh, banorët protestojnë kundër projektit të dyshimtë të Unazës së Madhe dhe kërkojnë që shtëpitë e tyre të mos rrëzohen në tokë.
Nën thirrjet “e duam Shqipërinë pa Edi Ramën”, banorët kanë protestuar për anulimin e projektit të Unazës. Protestuesit kërkojnë që përgjegjësit për projektin korruptiv të shkojnë përpara drejtësisë, ndërsa tubimit të tyre i janë bashkuar dhe deputetët e opozitës.
