Një kanal i ujërave të larta që kalon përmes fshatit Dyshnik në Berat është shndërruar në një vendepozitim naturor mbetjesh. Banorët fajësojnë veten për këtë gjendje, por kritikojnë edhe bashkinë e Beratit që sipas tyre nuk u ofron shërbim dhe nuk ndërhyn për të ndryshuar situatën.
Dyshniku, fshat i njësisë Administrative Otllak është porta hyrëse drejt Beratit muze.
Kjo zonë është mjaft e pasur me prodhime bujqësore, kryesisht me fruti-kulturë, ndërkohë që vitet e fundit po merr zhvillim edhe agroturizmi.
Por, jashtë çdo lloj kriteri mjedisor një kanal i ujrave të larta që kalon lirshëm në mes të fshatit është kthyer në vend-depozitimi për mbetjet.
Banorët në këtë zonë, por siç duket dhe vetë drejtuesit e bizneseve kanë gjetur rrugën më të lehtë për të hedhur plehrat.
Por nga ana tjetër ndotja që kanë krijuar është krijuar në problem serioz dhe rrezik për shëndetin.
Ndarja administrative-territoriale i bashkoi Beratit dhe katër ish- komunat, mes të cilave dhe Otllakun, ku shihet qartë se fshatrat e tyre kanë ngelur mes plehrave edhe për faj të vetë banorëve.