Tre persona janë shpëtuar mbrëmjen e sotme, pasi ishin në rrezik për t’u mbytur në det të hapur.
Ngjarja u regjistrua në ujërat pranë Karaburunit.
Tre persona ishin duke lundruar me një mjet me emrin “Aleksi” i cili papritur pësoi defekt.
Ata e panë veten në det të hapur, në Gjirin e Shën Janit.
Fatmirësisht iu ka ardhur në ndihmë Forca Detare shqiptare, e cila i ka marrë në bord tre personat dhe i ka nxjerrë në breg shëndoshë e mirë.
Mësohet se mjeti i tyre kishte pësuar defekt në linjën e aksit.
