Në fshatrat Polenë, Dersnik dhe Voskop të Korcës, fermerët i lanë mollët të kalben në pemë!
Në Polenë, kultivuesit e mollës thonë se kjo situatë nuk u kishte ndodhur më parë.
Çmimi sipas tyre i papërfillshëm për mollën, nuk ia vlente as për ta vjelur nga pema.
Ndaj një pjesë e mirë e prodhimit u kalb.
Edhe ajo pjesë e prodhimit që është vjelur, fermerët thonë se nuk po shitet. Tregtarët u japin çmim qesharak, sipas tyre, ndërkohë që në tregjet e qyteteve të tjera i njejti produkt kushton disa herë më shumë
Për vite me radhë, fermerët e zonës u orientuan drejt frutikulturës. Mbollën me dhjetra hektarë tokë me mollë, por tashmë kanë nisur ti presin.
Fermerët e cilësojnë një vit ters, ku sipas pretendimeve nuk kanë nxjerrë as kostot, ndërsa fajësojnë strukturat e shtetit për mungesën e politikave për mbështetjen e prodhimit vendas.