Gjatë vitit 2018 në Berat janë ndarë 329 çifte, nga 409 kërkesa për divorc që mbërritën pranë Gjykatës.
Me 65 % të kërkesave, analiza e të dhënave tregon se gratë po i lënë burrat.
Shkaqet lidhen me emigracionin, kushtet e ekonomike, tradhtinë por edhe diferencat kulturore.
Fenomeni po njeh rritje vit pas viti. Në 2017 numri i divorceve ishte 150, ndërsa vitin e kaluar u dyfishua.
Muajt janar dhe gusht janë dy muajt që regjistrojnë numrin më të madh të kërkesave që vijnë për divorce, e lidhur kjo direkt me kohën kur kthehen emigrantët.
Por kjo dukuri sipas avokatëve bëhet më delikate dhe me pasoja afatgjata, sidomos kur çiftet janë me fëmijë.
Astrit Skëndo: Në shumicën e çështjeve na vijnë me një fëmijë, me 2 apo 3 dhe këtu bëhet më e vështirë ndarja sepse shtohet problematika se kush do marrë kujdestarinë e fëmijëve.
Raporti i divorceve mes zonave rurale dhe qytetit ka qënë thuajse i njëjtë, ndërkohë që kanë domionuar rastet me diferenca në arsimim.
