E shtuna po vjen vrullshëm. Me 16 shkurt opozita ka ftuar popullin e pakënaqur nga kryeministri Rama për bashkëqeverisjen e tij me krimin, siç akuzojnë Basha dhe Kryemadhi, pra me këtë protestë synojnë ta largojnë Edi Ramën.
Nga selia e PD dhe LSI thonë se parashikojnë mbi 200 mijë veta me datë 16 shkurt. Dhe pas datës 16 do të krijohet një qeveri e re pa Edi Ramën kryeministër, qeveri e cila do të marrë fatet e vendit për të marrë statusin kandidat në BE si dhe për të zhvilluar zgjedhjet e parakohshme parlamentare dhe ato vendore, në një ditë, brenda këtij viti.