Zbulohen të tjera detaje mbi vrasjen e rëndë të ndodhur mëngjesin e sotëm në liqenin e Sharrës në Tiranë, ku u gjet e vdekur Lirie Xhepa, rreth 49 vjeç.
News 24 raporton se, shkak për ngjarjen e rëndë mund të jetë bërë një konflikt i hershëm për pronën mes Liries dhe kunatit të saj, Dashamir Xhepa, i shpallur në kërkim si një nga autorët e dyshuar për ngjarjen.
Konflikti mes Lirie Xhepës dhe kunatit të saj Dashamirit ka nisur që në 2008 për pronat. Madje në 2008 ajo ka shkuar në spital me shenja dhune në kokë por ka deklaruar se ka renë nga shkallët. Më pas policia ka zbuluar konfliktin dhe vetë gruaja ka treguar se është rrahur nga kunati. Ajo ka deklaruar në polici se ai e kishte kërcënuar me armë dhe me jetën e djemve. Pas këtij episodi ajo ka marrë edhe urdhër mbrojtje.
49-vjeçarja ishte larguar nga banesa që mbrëmjen e djeshme pa lenë adresë. Pasi nuk erdhi as ne mëngjes, djemtë e saj shkuan në komisariatin nr.6 për të denoncuar zhdukjen dhe aty morën lajmin e kobshëm, se nena e tyre ishte vrarë. Viktima kishte shenja dhune në trup dhe ishte qëlluar me 3 plumba.
Gruaja, nënë e 4 djemve ishte e ve dhe banonte pranë zonës ku u gjet e vrarë dhe e hedhur në ferra.
