Me një qëndrim aspak të denjë dhe jo brenda kuadrit ligjor, Bashkia e Sarandës vazhdon të pengojë familjen Iljadhi në Ksamil, për të bërë rrethimin e pronës së saj.
Spiro Iljadhi pronari i ligjshëm i pronës për këtë çështje ka zhvilluar dhe nëj proces gjyqësor në Gjykatën Administrative e Shkallës së Parë, në Gjirokastër. Me vendim nr. 761 të datës 26.12.2017, i është dhënë e drejta, por që është shteti që ka vendosur të mos njoh vendimin.
Megjithëse për ekzekutimin e vendimit janë njoftuar të gjitha institucionet përgjegjëse, zbatimi është penguar në mënyrë anti ligjore dhe me forcë nga punonjësit e Bashkisë Sarandë, IMT, të mbështetur nga punonjësit e Policisë së Shtetit.
Institucionet shtetërore veprojnë më tej me kundravajtjet ligjore. Në njërën anë pronarëve të ligjshëm nuk u lejohet rrethimi i pronës dhe nga ana tjetër vazhdohet të ndërtohet pa leje nga të tjerë shtetas duke e bërë shkeljen edhe më të rëndë.
Por ndryshe nga inspektoriati vendor nën varësinë e Bashkisë Sarandë, Inpsktoriati Kombëtar i Mbrojtjes së Territorit ka verifikuar paligjshmërinë e ndërtimeve dhe paralajmëron prishjen e tyre.
Agron Tepelena, IKMT Sarandë: Do fillojmë direkt procedimin tonë në lidhje me objektet pa leje, që shoqërohet me vendim prishjee.
Ndërsa Drejtoria e ALUIZNI-t Sarandë ka nxjerr një urdhër të brendshëm pezullimi për këto objekte të ndërtuara në pronën për të cilën familja Iljadhi ka një vendim gjykate në dorë!
