Protesta/ Panik qeveritar – Blindohet Tirana, mijëra policë do të jenë në terren

Shqipëria

Protesta/ Panik qeveritar – Blindohet Tirana, mijëra policë do të jenë në terren

Më: 15 shkurt 2019 Në ora: 14:37
Ilustrim

Do të aktivizohen rreth 1300 policë nga komisariatet e Tiranës, forcat shqiponja dhe FNSH për protestën e opozitës. Rreth 900 punonjës rendi do te dislokohen pranë kryeministrisë. Vëmendje te veçantë do i kushtohet ruajtjes se institucioneve që janë pranë bulevardit dëshmorët e kombit. Ne gatishmëri do të qëndrojnë ambulanca dhe shërbimi zjarrfikës.

Parapërgatitja për protestën ka nisur më herët. Rreth një javë më parë me një udhëzim të veçantë nga drejtoria e përgjithshme e policisë  u është lënë detyrë komisariateve të evidentojnë personat e dhunshëm.

Ata do të monitorohen gjatë protestës. Kontrolle do të kryhen në akse të ndryshme të Tiranës për njerëz të dyshimtë ose për ata që ka informacion. Ndryshe nga protestat e mëparshme priten të aktivizohen më pak punonjëse policie femra.

Masa ka marrë edhe policia rrugore. Autobusët që do të vijë me protestues nuk do të lejohen të futen në qytet. Ata që vijnë nga ana veriore do stacionohen pranë stadiumit “Asllan Rusi” ndërsa nga ana jugore tek Fakulteti Ekonomik.

Do të ndalohet qarkullimi dhe parkimi i mjeteve tek bulevardi ‘Dëshmorët e Kombit’ dhe rrugët ndërlidhëse të tij. Kufizim të pjesshëm mund të ketë edhe rruga që lidh selinë e PD me kryeministrinë.

Sot mund të lexoni Shfletoni kopertinat