Basha: Skenar kriminal i policisë nën urdhrat e Edi Ramës

Shqipëria

Basha: Skenar kriminal i policisë nën urdhrat e Edi Ramës

Më: 16 shkurt 2019 Në ora: 12:33
Lulzim Basha

Kreu u PD-së, Lulzim Basha, në protestën e opozitës që po mbahet sot në Tiranë tha se gjendja ka dalë jashtë kontrollit për shkak të skenarit të qeverisë.

Ai tha se të gjitha janë pjesë e ‘një skenari kriminal të policisë të vënë nën urdhrat e kryeministrit të Shqipërisë, Edi Rama’.

Kreu demokrat tha se protestuesit kanë dalë aty në mënyrë paqësore.

“Kjo që e shohim është në skenar, ju e pat se si pas një përpjekje fare të lehtë të nga një grup banorësh të ‘Unazës’, papritur u ça kordoni i policisë, që të përdorej dhuna, të hidhej gazi lotsjellës, dhe gjitha kjo që dëgjoni në altoparlantë janë pjesë e një skenari kriminal të policisë, të vënë nën urdhrat e Edi Ramës për të shkaktuar një gjendje të tillë”, tha ai.

Basha tha se policia e ka thyer ligjin, dhe se çdo gjë ka dalë jashtë kontrollit për shkak të skenarëve që siç tha ai, po bëhen për të nxitur dhunën.

commentFirst article
Sot mund të lexoni Shfletoni kopertinat