LSI, Panariti: Përdorimi i gazit lotsjellës, i paligjshëm! - Bota Sot
LSI, Panariti: Përdorimi i gazit lotsjellës, i paligjshëm!

Shqipëria

LSI, Panariti: Përdorimi i gazit lotsjellës, i paligjshëm!

Më: 16 shkurt 2019 Në ora: 15:53
Edmond Panariti

Deputeti i Lëvizjes Socialiste për Integrim (LSI), Edmond Panariti, e konsideroi të paligjshëm përdorimin e gazit lotsjellës ndaj turmës nga ana e policisë.

“A është i ligjshëm dhe i moralshëm përdorimi i gazit helmues lotsjellës në protestën qytetare? Përdorimi i gazit lotsjellës është i ndaluar për t’u përdorur në operacione ushtarake sipas konventës për ndalimin e përdorimit të armëve kimike të vitit 1993. Shqipëria e ka firmosur këtë konventë krahas 190 vendeve të tjera”, shkruan në Facebook deputeti i LSI-së.

“Përdorimi në mënyrë të kufizuar i këtij gazi për të neutralizuar persona të dhunshëm është i parashikuar, por vetëm nën kontroll procedurial rigoroz dhe të orientuar ekskluzivisht ndaj individit dhe individëve të dhunshëm. Madje, edhe në të tilla raste, duke qenë se rrymat e ajrit mund ta përhapin me lehtësi këtë gaz, zakonisht për neutralizimin e individëve të dhunshëm përdoret gaz “spray” me rreze të kufizuar. Kurrsesi ky gaz neuroparalitik nuk mund të përdoret ndaj turmës, siç ishte rasti i sotëm! Kjo është e paligjshme! Qytetarë paqësorë, gazetarë, kameramanë përjetuan të vjella, turbullim të pamjes, bllokim të frymëmarrjes, kollë, teshtima, pengesa në gëlltitje, verbim të përkohshem, dhimbje… Ishte vërtet dramatike”, shton Panariti.

Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...