Në lidhje me ngjarjet e ndodhura sot në protestë reagoi edhe prezenca e OSBE-së në Tiranë.
Ndër të tjera theksohet se nxitësit dhe autorët e dhunës mbajnë përgjegjësi
“Prezenca e OSBE-së bën thirrje për përmbajtje nga çdo akt dhune i mëtejshëm kundër kryeministrisë dhe çdo lloj prone publike apo private. Përshkallëzimi i dhunës së rrugës sot përbën një shkelje të parimeve të protestës demokratike paqësore. Nxitësit dhe autorët e dhunës mbajnë përgjegjësi për incidentet e sotme.
Ne do të vijojmë të mbështetim të gjitha aktet e protestës demokratike dhe paqësore, si pjesë e përkrahjes sonë të palëkundur për demokracinë në Shqipëri”, thekson OSBE.