Një ndër viktimat e atentatit në Vlorë ka qenë pjesë e përgjimeve të bandës së drogës mes policisë dhe grupit të Habilajve.
Ish kryeministri Berisha shkruan se ky është shkaku i atentatit të djeshëm mafioz në qytetin e Vlorës, ku dy persona mbetën të vrarë dhe një mbeti i plagosur. Duke iu referuar denoncimit të qytetarit dixhital, Berisha shkruan se atentati i djeshëm ishte larje hesapesh me dëshmitarët e mundshëm.
Postimi i ish-Kryeministrit Sali Berisha:
Shkaku i ekzekutimeve mafioze dje në Vlorë është eleminimi i dëshmitarëve!
Lexoni mesazhin e qytetarit dixhital. sb
Njëri nga të vrarët në Vlorë, ai që ishte edhe i zoti i makinës, ka qenë pjesë e përgjimeve të drogës mes oficerëve të policisë dhe grupit të Habilajve. Fakti që po nxitojnë të përmendin faktin se i plagosuri ka qenë në bandën e Gaxhait në 1997, shërben për të mbuluar ndoshta shkakun e vërtetë, dmth që po hiqen qafe dëshmitarët.