Ish-Ministri i Drejtësisë, Ylli Manjani, ka reaguar lidhur me vendimin e deputetit të LSI-së, Lefter Koka, për të mos lënë mandatin e deputetit.
Në një postim në fb, Manjani thotë se Lefter Koka është një shok i mirë dhe kontribues politik që nga themelimi në LSI.
Sinqerisht, vijon Manjani, ende nuk e mendoj që LSI mund ta humbasë këtë kontribues.
Por Manjani thekson se qëndrimi i tij personal është i papranueshëm dhe nuk mund të zhbëjë dot vendimin politik të Opozitës përfshi këtu edhe LSI.
Manjani: Ndoshta mungesa e komunikimit normal të LSI me Lefterin mund të ketë vështirësuar disi kuptueshmërinë e qëllimit të mirë të vendimit politik, për të mos qenë as fasadë dhe as tubi i oksigjenit të sundimtarëve të sotëm arrogantë.
Ish-Ministri Manjani nënvizon se asnjëherë nuk është vonë për t’u ngritur mbi qëndrimet personale.
Manjani: Lefteri ka ditur të dalë mbi interesat personale. Shpresoj të vijojë ta bëjë...