Një konflikt i rëndë ka ndodhur këtë të hënë në qytetin e Durrësit, ku dy adoleshentë janë përplasur me armë të ftohta.
Mësohet se gjatë konfliktit i cili ka nisur me të shara dhe ka degjeneruar më tutje në përdorim të dhunës, njëri prej të rinjve është goditur me thikë. Goditja e ka kapur të riun në afërsi të shtyllës kurrizore.
Ende nuk janë mësuar emrat e dy adoleshentëve që kanë hyrë në sherr mes tyre, ndërkohë që i plagosuri aktualisht ndodhet në spital në gjendje të rëndë shëndetësore.
Adoleshentët mësonin në të njëjtën shkollë 9 vjeçare ndërsa konflikti ka ndodhur në rrugë, në lagjen 17 të Durrësit. Policia ka bërë të mundur arrestimin e personit që kreu plagosjen.