Kryeministri Rama nuk do të marrë pjesë në seancën e sotme të parlamentit, pasi ndodhet në Lushnje në kuadër të turit 'Bashkia që Duam'. Në momentin që kreu i qeverisë ka hyrë në ambientet ku do zhvillohet takimi me qytetarët, një grup i vogël të rinjsh demokratë kanë protestuar me thirrjet 'Rama ik, Rama ik'.
Gjatë takimit Rama pritet që të flasë për projektet për Lushnjen, por edhe situatën politike pas dorëheqjes së opozitës, e cila pasdite në 17:00 do të protestojë para parlamentit gjatë kohës që do të zhvillohet seanca, në të cilën kryeministri nuk do të marrë pjesë.
