Në një kohë kur është kërkuar hetim dhe janë gjobitur kompanitë naftënxjerrëse, ndotja në lumin Gjanica, vazhdon. Sasira të mëdha hidrokarburesh janë derdhur që në mëngjes në lum, duke e bërë mjedisin dhe ajrin në të gjithë qytetin të padurueshëm.
Pritet një reagim nga Inspektorati Mjedisor, i cili tre muaj më parë bëri kallëzim penal dhe gjobiti dy kompani nafte. Këto të fundit i janë shmangur pagesës së gjobës, ndërsa afati i hetimit të kërkuar prej prokurorisë mbetet i paqartë. Në këto kushte në ujërat e lumit derdhen tonelata mbetjesh hidrokarbure, ndërsa autorët e ndotjes mbeten të pandëshkuar.
