Dibranët bëhen me adresa, gati për zgjedhjet lokale

Shqipëria

Dibranët bëhen me adresa, gati për zgjedhjet lokale

Më: 4 mars 2019 Në ora: 14:51
Foto

Prefekti i Qarkut të Dibrës jep garancinë se asnjë votues dibran nuk do të ketë dy apo më shumë adresa votimi në zgjedhjet e 30 qershorit. Katër bashkitë e qarkut kanë përfuduar procesin e deklarimit të adresave, ndërsa prefekti deklaron askush nuk mban më një nga kodet e famshme 888, 999 apo 000.

Në qarkun e Dibrës nuk ka më qytetarë pa adresë. Katër bashkitë kanë përfunduar procesin e deklarimit të adresave duke eleminuar kodet e famshme 888, 999, e 000.

Prefekti, Nexhbedin Shehu, thotë se tashmë në listat zgjedhore të 30 qershorit, asnjë votues dibran nuk do të jetë pa adresë.

Nexhbedin Shehu: Në të gjithë qarkun nuk kemi asnjë qytetar me kodin e famshëm 88, 99 dhe 00 që do të thotë pa adresë.Të gjithë janë sistemuar.

Ndërkohë në të gjitha njësitë vendore, vijon procesi i saktësimit të adresës për banorët.

Nexhbedin Shehu: Çdo qytetar i Republikës së Shqipërisë ka një adresë me 30 e ca të dhëna, këto janë hedhur për mbi 90% të qytetarëve të Dibrës, vazhdon puna në qytetin e Peshkopisë, në disa njësi të Klosit meqenëse adresari i ardhur nga Ministria e Brendshme ka qenë i pa abdetuar dhe këto ditë është vënë në dispozicion.

Bashkia e Matit kishte numrin më të lartë të banorëve pa adresë të cilët përdornin kodet 888, 999 dhe 000.

commentFirst article
Sot mund të lexoni Shfletoni kopertinat