Kryetari i opozitës Lulzim Basha ka zbardhur pjesërisht atë që u diskutua në takimin që pati sot me Zv.ambasadoren e SHBA-së Leyla Moses-Ones në selinë e PD-së. Pyetjes nga mediat "a ju kërkoi Zv.ambaadorja amerikane të bëni hapa pas dhe të uleni në tryezë me Ramën?", Basha iu përgjigj prerë:
"Po jua përsëris edhe njëherë se nuk komentoj asnjëhërë as deklaratat, as bisedat që kam me partnerët tanë, përfshirë këtu edhe partnerin strategjik të Shqipërisë dhe PD-së, SHBA-të. Nëse do të më pyesni për qëndrimin e PD-së, e them qartë: Nuk ka asnjë hap pas!
Luftën kundër krimit të organizuar që ka asgjesuar zgjedhjet dhe institucionet demokratike, ka vetëm hapa përpara. Këtë i kemi borxh Shqipërisë dhe ëndrrës së gjithë shqiptarëve që ta bëjmë Shqipërinë si gjithë Europa, me parlament dhe qeveri të çliruar nga krimi."
