(E plotësuar) - Në takimet e veçanta që pati me kryeministrin Edi Rama dhe më tej me liderin e opozitës joparlamentare Lulzim Basha, drejtori i zgjerimit në BE, Christian Danielsson tha se nuk pa ndonjë shenjë që mes palëve politike të shkohet drejt zgjidhjes së krizës politike, përmes dialogut.
"Bojkotimi i parlamenti nuk është në përputhje me demokracinë. Nuk dëgjova ndonjë lëvizje që mund t'i çojë ata drejt dialogut", kështu u përgjigj Danielsson teksa u pyet nga gazetarët nëse sheh ndonjë sinjal pozitiv se opozita do të shkojë në Parlament.
Danielson: Djegia e mandateve minon rrugëtimin drejt BE
Drejtori i Përgjithshëm për politikat evropiane fqinjësi dhe negocimet e zgjerimit Christian Danielsson në konferencë për shtyp:
"Në takime kam qenë shumë i qartë. Me opozitën kam theksuar rëndësinë që vendimi i anëtarëve të opozitës për të djegur mandatet parlamentare minon në mënyrrë serioze rrugëtimin drejt BE
Pasigueria duhet tejkaluar në mënyrë urgjente. Bojkoti është kundërproduktiv. Është e rëndëishme që protestat të jenë të paqta. Nxitja e dhunës është shqetësim i madh për ne".