Shqipëri, 17 mijë gra kryen mamografinë gjatë vitit 2018

Shqipëria

Shqipëri, 17 mijë gra kryen mamografinë gjatë vitit 2018

Më: 7 mars 2019 Në ora: 19:36
Mamografinë

Gjatë vitit të kaluar në Shqipëri rreth 17 mijë gra kanë kryer mamografinë.

Shifrat janë bërë publike nga ministrja e Shëndetësisë dhe Mbrojtjes Sociale, Ogerta Manastirliu, e cila ka theksuar se si asnjëherë më parë, programet parandaluese për të mbrojtur shëndetin e gruas janë në fokus të politikave shëndetësore.

“Rreth 17 mijë gra kanë kryer mamografinë vetëm në vitin 2018, çka tregon për një rritje të ndërgjegjësimit, por edhe për zgjerimin e mundësisë për të kryer mamografinë në spitalet rajonale, ku janë instaluar 5 mamografë të rinj. Kemi siguruar mbulimin e plotë në territor, edhe me dy mamografët e lëvizshëm që ofrojnë shërbim gjatë gjithë vitit, duke i ofruar mundësinë rreth 6 mijë grave në vit të kryejnë kontrollin e gjirit afër vendbanimit”, bën të ditur ministrja.

Sipas saj, ka shumë rëndësi ndërgjegjësimi i çdo gruaje për parandalimin e sëmundjes.

“Gjeni kohë për t’u kujdesur për shëndetin tuaj”, bën apel Manastirliu

commentFirst article
Sot mund të lexoni Shfletoni kopertinat