Ish deputeti i PD-së Ervin Salianji e ka konsideruar qesharak vendimin për të bërë publik kërtë të hënë shkarkimin e kryepolicit të Tiranës Skënderaj, pak orë pas përplasjes së policisë më banorët e shtëpisë që u tentua të prishej nga IKMT në kryeqytet.
Përme një postimi në rrjetin social, Salianji shkruan se kjo ishte një tentativë e dështuar e Ramës dhe Ministrit të Brendshëm për ta paraqitur këtë të hënë shkarkimin e drejtorit të policisë, kur në fakt ajo ka ndodhur që javën e kaluar.
Postimi i Ervin Salianjit:
Lleshaj si Ponc Pilati!
Pasi i përdorin pa mëshirë kundër popullit të tyre, Rama dhe Lleshaj po largojnë drejtorët e policive në përpjekje pêr të pastruar imazhin e tyre si politikanët më të urryer!
Policia u përplas 6 orë më gra dhe fëmijë të pambrojtur në hall, me urdhër të Sandër Lleshajt, me dijëninë dhe me miratimin e tij dhe të kryeministrit. Tani është shumë vonë që të shfaqet i pafajshëm dhe të lajë duart si Ponc Pilati.
Presioni i opinionit publik po i bën të reagojnë në panik dhe të bëhen qesharakë. Policët e dinë se Drejtori i Tiranës është larguar tre ditë më parë nga detyra.
Rama dhe Lleshaj e kanë vulosur fatin e çdo polici në këtë shtet. Ata po i përdorin në mënyrë të paligjshme prej tyre dhe, në momentin kur prishin punë, do i flakin si limona të shtrydhur. Këtë ka bërë Rama me paraardhësit e tyre, këtë ka bërë edhe me gjyqtarët dhe prokurorët. Të gjithë të përdorur për pushtetin personal të Ramës!
Në 16 Mars të gjithë në këmbë për Shqipërinë!