Media prestigjioze “The Washington Post” pasqyroi protestën e opozitës në Tiranë.
“The Washington Post” shkruan se mijëra mbështetës të opozitës shqiptare po protestojnë kundër qeverisë.
“Mbështetësit e opozitës po zhvillojnë një protestë kundër qeverisë, të cilën e akuzojnë se është e korruptuar dhe e lidhur me krimin e organizuar," shkruan kjo media, raporton Ora News.
"Mijëra protestues, nën udhëheqjen e Partisë Demokratike, u mblodhën para zyrës së kryeministrit socialist, Edi Rama duke kërkuar dorëheqjen e tij”, vijon raporti.
“The Washington Post” raporton se opozita refuzon të dialogojë me Ramën, duke kërkuar një kabinet transitor për të përgatitur zgjedhje të parakohshme.
