Përplasja me armë mes menaxherit të një lokali dhe klientit të tij në lagjen "Viserian Xhuvani", në Elbasan për fat të mirë ka rezultuar pa viktima.
Pas konfliktit për motive të dobëta shtetasi me iniciale B. S., qëlloi me pistoletë në ajër.
"Në momentin e mbërritjes së policisë në vendngjarje 41-vjeçari tentoi të largohej duke hedhur armën e zjarrit në tokë, por u arrestua,"-raporton policia.
Në cilësinë e provës materiale u sekuestruan një armë e zjarri pistolet, si dhe një gëzhojë.
Materialet i kaluan Prokurorisë pranë Gjykatës së Shkallës Parë Elbasan, për veprat penale. "Mbajtja pa leje dhe prodhimi i armëve, armëve shpërthyese
dhe i municionit" dhe "Prishja e qetësisë publike"