Kryeministri dhe Kryetari i Kuvendit kanë vendosur të mbledhin nesër deputetët në seancë plenare si çdo të enjte, duke tentuar ta anashkalojnë protestën e opozitës që do të mbahet jashtë godinës.
Seanca është caktuar në ditën dhe orën e zakonshme të pak javëve më parë, të enjteve në orën 10:00, për të shfaqur para opinionit, një skenë "normaliteti politik", megjithëse deputetët e opozitës tashmë janë larguar përfundimisht nga parlamenti.
Kjo, kur vetëm dy ditë më parë, Presidenti i Republikës bëri të ditur se vendi po kalon një krizë të katërfishtë: “Krizë serioze, jo vetëm politike, kushtetuese, institucionale dhe përfaqësimi“ tha Ilir Meta.