Lleshaj: Arritëm të dalim nga harta e kanabisit, por puna duhet të vazhdojë - Bota Sot
Lleshaj: Arritëm të dalim nga harta e kanabisit, por puna duhet të vazhdojë

Shqipëria

Lleshaj: Arritëm të dalim nga harta e kanabisit, por puna duhet të vazhdojë

Më: 20 mars 2019 Në ora: 16:29
Sandër Lleshaj

Nga Kruja ministri i Brendshëm, Sandër Lleshaj tha se kultivimi i kanabisit tashmë është një çështje e mbyllur përfundimisht. Gjatë takimit me përfaqësues të pushtetit vendor të Krujës, drejtues të strukturave të Policisë, autoritete të mjedisit dhe Inspektorate të tjera në Qark, Lleshaj paralajmëroi të gjithë autoritetet lokale të kenë angazhim të plotë në përputhje me detyrat që përcaktohen nga Plani Kombëtar Antikanabis.

“Shqipëria është e angazhuar botërisht, që të dalë nga harta e kanabisit. E kemi arritur, por duhet të jemi të qëndrueshëm që kjo punë të vijojë. Plani Kombëtar Kundër Kanabisit parashikon detyra të qarta për të gjithë institucionet. Institucioni i fundit të cilit i drejtohet Plani, është Policia. Policia ka për të bërë vetëm një pjesë të punës, pjesën e ligj zbatimit. Ndërkohë që pjesën tjetër, kontrollin e territorit duhet ta bëjnë institucionet e tjera, sensibilizimin e qytetarëve duhet ta bëjnë institucionet e tjera. Do të kërkoja shumë prej të gjithë administratorëve lokalë, nga bashkia, nga njësitë administrative, nga kryepleqtë që të kuptojnë mirë këtë thirrje,” tha ndër të tjera ministri Lleshaj.

Pas aksioneve të fundit të Task Forcës ndërministrore, ku u bllokuan 12 gurore në zonën e Krujës, Ministri apeloi për ndalimin përfundimtar të shkatërrimit të mjedisit.

“Është zhvilluar një industri e guroreve, e zhavorrit, e inerteve e të tjera me radhë dhe pasojat e kësaj ju i shihni vetë. Ajo që është bërë është vështirë të zhbëhet më. Por kjo punë duhet të stopohet, të ndalohet njëherë e përgjithmonë. Dhe pastaj, të gjitha institucionet përkatëse, qofshin ato lokale, qofshin këto qendrore, duhet të marrin masa për rikuperimin e gjendjes, aq sa mund të rikuperohet,” tha ministri i Brendshëm.

Prokurori i Rrethit theksoi se kontrolli i territorit nuk është vetëm detyrë e Policisë së Shtetit. Ai u shpreh se për gjithë autoritetet përgjegjëse për territorin, do të mbahet një qëndrim i prerë dhe i rreptë, në respekt të ligjit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...