Kryetari i PD-së, Lulzim Basha në kthim nga Brukseli shprehet se ka marrë mbështetjen e PPE-së (Partive Popullore Europiane) për aksionin opozitar që po zhvillon në Shqipëri. Lideri i PD-së, përkthen si mbështetje mesazhin e Joseph Daul për demokracinë dhe shtetin ligjor gjatë fjalës së tij.
"Presidenti i PPE Joseph Daul në emër të të gjithëve deklaroi qartë se "ne nuk mund të bëjmë kompromise me demokracinë, shtetin ligjor dhe lirinë e medias." PD po lufton për të njëjtat vlera europiane në Shqipëri dhe në këtë betejë kemi mbështetjen e PPE, familjes sonë politike" shkruan Basha.
E ndërsa Basha zhvillonte takimet në Bruksel, në Tiranë opozita zhvilloi protestën e gjashtë para parlamentit kundër qeverisë Rama.
