Zgjedhje pa opozitën? Deputeti i PS-së: Do të ketë shumë kandidatë të pavarur 

Shqipëria

Zgjedhje pa opozitën? Deputeti i PS-së: Do të ketë shumë kandidatë të pavarur 

Më: 23 mars 2019 Në ora: 16:35
Musa Ulqini

Partia Socialiste e Shqipërisë ndezi sot motorët për zgjedhjet lokale të 30 qershorit, por a do të jetë ato të qeta pa pjesëmarrjen e opozitës? Deputeti i PS-së, Musa Ulqini u shpreh për Report Tv se, pavarësisht nëse merr pjesë apo jo opozita, Shqipëria ka forca të tjera dhe individë që do të garojnë të pavarur.

"Jam i sigurt që do të jenë jo vetëm të qeta, por me pjesëmarrje të madhe. Shqipëria ka shumë forca që janë të gatshme që të garojnë dhe individë që do të garantojnë të pavarur" tha ai.

Si një socialist i vjetër, si i komenton Ulqini deklaratat e Presidentit Meta për dorëheqje? "Mendoj që duhet t'i ofrojë vendit atë mundësi që ia garanton Kushtetuta, përpjekja për të bërë më të mirën sipas kompetencave, vullneti politik për ti shërbyer vendit. Karrigia dhe dorëheqja nuk janë ajo që i duhen Shqipërisë. Presidenti duhet të respektojë Kushtetutën" tha ai.

commentFirst article
Sot mund të lexoni Shfletoni kopertinat